ერთაშორისი დაუნდობლობა, ომი და სისხლის ღვრა რომ კაცობრიობის ბედნიერებისა და კეთილდღეობის სულის შემხუთავი და დამღუპავია, ეს დიდი ხანია შეგნებული აქვსთ მეცნიერებისა და მწერლობის წარმომადგენელთ. იმისდა მიუხედავად, რომ ეგ აზრი მეტად ადვილი გასაგებია, მთელი ევროპა მუდამ იმასა ცდილობს, რომ საომრად მოემზადოს – ასე იწყება ილია ჭავჭავაძის ეს ჩანახატი. ჩანახატს “წიგნი” დავარქვით არა ფურცლების რაოდენობის, არამედ შინაარსის “სიდიდის” გამო, რომლის გადმოსაცემად ორი ფურცელიც არ დასჭირდა ავტორს.
ჩანახატი საინტერესოა იმ თვალსაზრისითაც, თუ როგორ ასაბუთებს ილია ევროკავშირის შექმნის აუცილებლობას თითქმის 60 წლით ადრე. აქვე გთხოვთ, გაითვალისწინოთ, რომ არც ჩვენი, და არც ჩანახატის მიზანი არ არის რომელიმე ქვეყნის პროპაგანდა. მთავარი აქცენტი უნდა გაკეთდეს იმაზე, რაც ავტორმა პირველსავე წინადადებაში გვითხრა – ომი ცუდია!
